دقة قلب - رباعيات

- 1 - 

وانــا بـدعي لأحــلامي

عشان تكمل ما بنساها 

وبـدعيـلها تكون جمبي

وليـل الحــزن ينساهــا 

ويحفظهــا إلــه الكـــون 

ويجعلها مــن المكتــوب 

حبيبتي لسة ما اعرفها

لكن في القلب مرساها 

..............

لـ محمد مندور ... فرسان القلم

====================== 

 - 2 -

ملعـــون أبــوه الحـــب

أبـو قلـــب زي الجـــمر

يـسكـر بغيرتـه النــاس

ولا ألــف كــاست خـــمر

لــو حتي سبته سنين

وحاولت تنسي الشوق

ولا بردو ينفـع فــوق

عمــرك دة ألـفين عـمر

..............

لـ محمد مندور ... فرسان القلم

========================

- 3 -

وشكيت إليك يا بحر من هم خدني ومال 

كل الجروح بتروح وانا جرحي ليه اتحال 

بينه وبين الشفا والفرحة والنسيان ..

هو انت ليه يا بحر كاتب فـ صدري مُحال

..............

لـ محمد مندور .... فرسان القلم

========================

- 4 -

ودايماً ببقي مش عارف أصدق مين

أصدق نفسي ولا اكدب علي التانيين

أقول حبيتها يتقالي كمان كداب ؟!!! 

خلاص هكدب محبتهاش يقولوا آمين !! 

..................

لـ محمد مندور ..... فرسان القلم

========================

- 5 -

أنا أصلاً ملييش عيشة

وحلي إني اموت وارتاح

وشكل الذنب يمنعني 

وهفضل بالشجن سواح 

ما بين وحدة وتغريبة 

ولعن الهم دا عيبة ...

وبردو الذنب كان ذنبي

أنا العاشق فـ قلبي براح 

.........

لـ محمد مندور ... فرسان القلم

=======================

- 6 -

ألبوم صور مليان جراح

ملعون دة فيه الحب راح

وعشان نعيش لازم يموت

يا نموت مفارقين الصباح

................ 

لـ محمد مندور ... فرسان القلم

=======================

- 7 -

وحيث إني هعيش مجروح 

أنا عاوز أقول علي ســـر .. 

مفيش واحدة هتدخل قلب 

جراحه مش بنار المــر 

أنا حبيت ومش ندمان 

وقلبي لسة مسكنها 

لكن بـــردو هنتفارق 

قدرنا هو نــــار العمر 

.............

لـ محمد مندور .... فرسان القلم

========================

- 8 -

قلبي رافض تبقي ذكري 

أو تفارقي الأمنيات ....

رغم بعدك مش بخاطره

عمره ما حب السكات 

لسة ذكرك بين ضلوعه

لسة شايلك جوا جوفه

إنتي أجمل حد حبه

بس بعد الهجر مات 

................

لـ محمد مندور .... فرسان القلم

=========================

- 9 -

يعني هي جت عليكي ؟ 

ما اللي قبلك عشموني 

ياما زادوا فـ اهتمامهم 

واما زاد الشوق لاموني 

مش بإيدي اللي جرالي 

كوني بعشق الاهتمام 

هي غلطة بس عارفة .. 

إنتي أفضل من خانوني ! . 

...............

لـ محمد مندور .... فرسان القلم

==========================

- 10 -

أنـــا شــاعر بـأمر الحـب 

ومش حابب أكون محبوب 

ويمكن رفضي لجل الجرح

كــذبة تجمل المطلوب 

فـ عرف الشياليين زيي 

قرار الحب مش ساهل  

وأخر قلبي يتمني ....

بـ دعوة تغيير المكتوب .. 

................

لـ محمد مندور ... فرسان القلم

========================= 

- 11 -

كيف أوصل وبعد السكة مش معروف

وبين قلبي وبين قلبك جزيرة خوف ... 

وبحر الحب مش قابل يهدي الموج 

دة نار قلبي ما تقدر يوم تقولها حروف 

..................

لـ محمد مندور .... فرسان القلم

======================

- 12-

أنــا المجروح بـأمر الحب

ومــش بـإيديه أحـزاني 

وعايش فـ الحياة تفاريح

فـاكـرهـا وهـي نسياني 

وبسألها عـن اللي صـار 

تــرد بنبرة مـجـروحـة ... 

مكنش بإيدي شوق القلب

وحـزنك هـو عنواني !!! ... 

..............

لـ محمد مندور ... فرسان القلم

========================

- 13-

قلبي اللي كان وياك قوي

فـ البعد مش قادر يعيش 

مع إن جرحك كان قوي 

لكن فـ قربك ميساويش 

علمت قلبي كل شيئ

غير إنــه مــرة يجرحــك 

وسلبت منه كل شيئ

فـ اعتاد يحب وميلاقيش 

...............

لـ محمد مندور .. فرسان القلم

========================

- 14-

بـحـر الهـوا ملعـون لـو تنزلـه فـ الليل 

موج الحرام مجنون يسقيك بملحه الويل

بـحـر الهـوا لـه معـاد تستني يسمحلك 

تنزل تـلف بـلاد ويكـون بموجه دلـيـل 

..................

لـ محمد مندور ..... فرسان القلم

========================

- 15-

الموج يهد الصخر من ضربة خفافي

وانا قلب فيه النخر علم علي كتافي 

لكنه فيه النبض مستني إيد تداويه

مدي لقلبي الوصل حِبي ولا تخافي 

.................

لـ محمد مندور .... فرسان القلم

======================== 

- 16-

شباك موارب فتحته لكل الجراح

والجرح خايف تكشفه شمس الصباح

والشمس تطلع تستحي تدور ما بين 

ميت ألف جرح بين القلوب سواح 

لـ محمد مندور ..... فرسان القلم

=========================

- 17 -

حبيت احب جديد قلبي عصاني وراح

عالق فـ حب قديم وبجرحه كان سواح

كل الجروح بتروح وانا جرحي مين يداويه 

ما دوايا قرب الروح من روح دواها جراح 

.................

لـ محمد مندور ....... فرسان القلم

=========================

- 18 -

نفس التاريخ نفس الزمن

نفس العذاب نفس الشجن 

نفس الجراح نفس اللي راح

نفس السؤال من غير تمن !!

...........

لـ محمد مندور .... فرسان القلم

=========================

- 19-

يــا صيـــادين الـهوا ارمــــوا شبكوا بعـــيد

أنا قلبى منه انكوى دبحـــــونى ليلة عيد

والدبح كان عـ الذكر والحـــــب صـار ملعـون

فبلاش اموت غرقان وهاتولي قلب جديد

......................

لـ محمد مندور ... فرسان القلم

========================

- 20 -

 ياليت قلبي لم يعش لحظة خضوع

فالجرح يشكو غائراً بين الضلوع

يا من ظلمت قلبي إني أسألك  

هل هان قلبي أم تاق قلبك للدموع 

................

لـ محمد مندور ..... فرسان القلم

=======================

- 21 -
نظرة عينيه بتقول حاجات
تعاكسها إيده فـ السلام
وهتعمل إيه قطرك دة فات
ولا ليك عليه حتى الملام
حبيته يمكن من بعيد
ولا قلتلوش عـ اللي انت فيه
واهي قصة من ضمن حكايات
راحت يا قلبي والسلام
................
لـ محمد مندور ..... فرسان القلم

=======================

- 22 -
بفوق مـ الذكرى أحياناً
وتدبحني ساعات وساعات
وافكر فـ اللي كان جمبي
وخدنا البعد مرة وفات
وتسرح عيني فـ الماضي
أشوف الصورة مهزوزة
واقرب يمكن أعدلها
يفركشها الزمن حباات
................
لـ محمد مندور ..... فرسان القلم
=======================

- 23 -
يا قلب كيفك فـ العذاب
مالك ومال اللي ناسيك
الظروف هي اللي خانت
لما بعت اللي شاريك
سيبه ينسى يعيش لحاله
وانت عيش عالذكرى ليه
واما قلبك ينسي حاله
افتكر دة مكنش ليك
................
لـ محمد مندور ..... فرسان القلم
=======================

بقلم : محمد مندور 

فرسان القلم