شبه ثورة - رباعيات

(1)
يا بلدنا ولادة فوق الشهيد مليون
وفـ أرضها دافنة جتة ملك فرعون
الصح فين يا ولدالنا قابيل وهابيل
والحق إمتا يبطلك حبل المجون 
..............
لـ محمد مندور ...... فرسان القلم

=======================
(2)
جدران عليها الدم سايل من سنين
فرعون وسايق شعب كله قال آمين
والجلادين بيمصوا دم من الشباب 
والشعب ساكت جسمه نحس مـ الأنين
..........
لـ محمد مندور .... فرسان القلم
=======================

(3)
خايفة لية يا مصر إنك تحلمي
مدي إيد لإيدين ولادك وارسمي
بكرة حلم بإيد ولادك يبتدي....
وياكي نقدر بس طاوعينا احلمي
............
لـ محمد مندور .... فرسان القلم
=========================
(4)
ملعون أبوك يا سكوت خلي ضميرك حي
انطق وزيح الخوف هات الطريق مـ الضي
اكسر قيود النوم والغفلة والتوهان
وارسم لبكرة جناح حرية ماله زي ....
..................
لـ محمد مندور .... فرسان القلم
========================
(5)
ملعون أبو اللي كان في الموت بيتفرج
ويقلب القنوات ويقول دة بنهرج ....
احنا اللي موتنا هناك وانت بتتفاوض
واحنا اللي قولنا الحق وانت بتتحرج 
..............
لـ محمد مندور ...... فرسان القلم
========================
(6)
يـــارب يــا خــالــق
الكون فـ ست ايام
خـلصنـا مـن قـاتـل
زهرة عروس الشام
وريـنـا فيـه قـدرتـك
قـدرتـنـا مــش قادرة
ومفيش في إيدنا غير
دعوة فـ وقت صيام
..............
لـ محمد مندور ... فرسان القلم
=========================
(7)
فارد جناحه في السما زي الطيور
وفـ وشه روحه مبسمة طالبة العبور
والعسكري دايس على حرف الزناد
والطلقة كتبت في السما أخر السطور 
..............
لـ محمد مندور ..... فرسان القلم
=========================
(8)
سلك شائك عـ الحــــــدود عسكري زي الحمار
راح تعدي هــــــناك تموت سيده أمره بضرب نار
والحقيقــــــة إن سيده و سيد بلادي ضهر واحد
ضهر كان في الأصل عربي بس راح وسط الدمار
...............
لـ محمد مندور ... فرسان القلم
=========================
(9)
عجبي عليك يا وطن فاتح وعـ الأخر 
بحري لكل غريب وخصوصـاً الفـاجر 
إمتا ندوق الشرف موعد طهورك حان 
عدل الميزان انحرف من ظلم متفاخر 
.....................
لـ محمد مندور ..... فرسان القلم
=========================
(10)
يا اهل المناصب والكراسي والحكومة والشؤون
يا اهل المصالح واللي طالح وسطكم زي الطاعون 
يا اهل السياسة فـ عرفكم باب النجاسة والمجون 
ملعون أبوكم كلكم لو حتي كان فيكم دقون 
...........................
لـ محمد مندور ..... فرسان القلم

=========================
(11)
ذكــري الإهـانة تـروح لما الحقوق تـرجع
والثورة مـن غير عـدل فـ الامتحان تـركع
واللي عملها فـ يــوم يقدر يعيد تـــاني.. 
فبلاش تدوس الحلم ولصوتنا يوم اسمع 
....................
لـ محمد مندور .... فرسان القلم
========================
(12)
ثورة قامت شعب قال للظلم لأ
ثورة نامت شعب قال للحلم لأ 
ثورة ماتت ودة ذنب مين يا ناس
احنا السبب بالجهل ولا دة طبع الحق
..................... 
لـ محمد مندور ..... فرسان القلم
=======================
(13)
قهوة يا خلق يا هوو واهي سادة
علي أرواح من لحسوا بيادة ...
حتي البن اشتكى من روحهم
دول واخدين الذل عبادة ....
..........
لـ محمد مندور .... فرسان القلم
=======================

 (14)

كاتب لبكرة جواب مضمونه ميطمنش
يأسي قصاد الباب والكلمة متحبلش
والضي تايه لية بين مركب الفرسان ....
والكلب سيد الكلب حالف مهتكملش
..............
لـ محمد مندور ..... فرسان القلم
=========================

(15)
في الانتفاضة كلنـا بنقـول يارب 
ونصلي ليه ونقول بداية الغضب
تخلص صلاتنا نسأل احنا جينا لية
ننسى القضية تفتكر إية السبب ؟!!
.........
لـ محمد مندور .... فرسان القلم
========================
(16)
يارب يا معبود
احنا بندعيلك
بينا هنا نمرود
عبدوه إله غيرك
ارحمنا منه يارب
وارزقنا من خيرك
حاكم كما الفاروق
يحكم بلاد نيلك ..
...........................
لـ محمد مندور .... فرسان القلم
========================
(17)
ياللي ضيك مالي كل الكون سعادة 
نور يعلم كل خايبين القيادة
مت يمكن بس قلبك لسة حي 
نبضه حالف ترجع القدس بشهادة 
........................
لـ محمد مندور ..... فرسان القلم

محمد مندور 

فرسان القلم