-1-
يا من عصيت الله سراً في الخفاء
وغدوت تحسب أن في العمر البقاء
ســارع فبــاب الله مفتــوح إليـــك
واهنأ بعفو قبل ما يأتي الفناااء ....
...................
لـ محمد مندور ... فرسان القلم
======================
-2-
جدران وفــاصلة بين بيـــوت
مـ ساترها غير رص الحيطان
مكشوفة للكون اللي فــوق
وعملها ليه شـــاهد عـيـان
ومــلاك بيكتب صفحتــــــك
الحُــسن فيــها والذنــــوب
ومسيرها يوم وهتنكشف
وتشــوف نتيجة الإمتحــان
................
لـ محمد مندور .... فرسان القلم
=======================
-3-
جبل الصخور اهتز لما اتذكر أعلاه
واتفتت حصاويه وبحزن قلبه بكاه
سيدنا النبي سبوه واحنا ما ردينا
واحنا السبب بالجهل عذراً رسول الله
.............
لـ محمد مندور ..... فرسان القلم
======================
-4-
يــا مـراكبي عـ الدفة بـ الراحة عـ الـركـاب
كان نفسي ازور مكة ودعيت وربي اهو جاب
هنزور رسول الله ونصلي فـ الكعبة ....
ياما نفسي اموت مولود واسكن مع الأحباب
...............
لـ محمد مندور .... فرسان القلم
======================
-5-
يا رايح الحرمين سلملي عاللي هنـــاك
وارمي كمان حجرين عاللي غواني غواك
واستاذن أهل البيت يدعولنا بالرحمات
وادعيلي في الجاية ابقي هناك ويــــاك
..............
لـ محمد مندور ..... فرسان القلم
=======================
-6-
راكبين في قطر الدنيا ومسافرين
ولا حد عارف رايحين ولا جايين
والقطر يجري والعمر خايف يسبقه
والموت يقرب يلقانا نسينا الدين
.....................
لـ محمد مندور ... فرسان القلم
========================
-7-
يا قلب يا مجروح شفت العذاب ألوان
العين ماليها دموع ترسم بحور أشجان
باب الكريم مفتوح يسمع دعا عبده
تلقي حياتك نور من رحمة المنان
.................
لـ محمد مندور ... فرسان القلم
=======================
-8-
اللهم إن كان في العمر بقية
فاجعله ربي أياماً هنية...
وارزقني حلالاً واهدني...
واجعلني مجاور لخير البرية
..............
لـ محمد مندور ... فرسان القلم
=======================
-9-
الدنيا كاس خمرة عتيق
تسكر لو كنت ليها رفيق
والأخرة كاس شربه حلال
حسنات تعينك عالطريق
................
لـ محمد مندور ..... فرسان القلم
=======================
-10-
عصفور وزيه اتنين كانوا زمان عايشين
كانوا بيصحوا الصبح علي ذكر ناس صالحين
اليوم ميزانه اختل غلب النهار الليل ......
دة الذكر أصبح كفر والحسنة سب الدين
...................
لـ محمد مندور .... فرسان القلم
=======================
-11-
جـانـا يـا خلق يـاهو أكرم شهور العــــام
فيه كانت الشياطين متسلسلة بـ لجام
وانت وشيطانك شوف مين راح يفوز فيكم
دة الفوز يعود بالقلب زي الوليد الخام
..............
لـ محمد مندور ..... فرسان القلم
========================
-12-
رمضان كريم يا بخيل مـ تصلي علي سيدك
صـلـي وقيم الليل واقــــرا بتجويدك
واشكر لأنك حي غيرك ملهش نصيب
وادعي انه يشفع ليك فـ الأخرة يوم عيدك
.................
لـ محمد مندور ......... فرسان القلم
========================
-13-
طريق مفرود وفيه ماشية خطاوي الشوق
وراسمة فـ الطريق علامات تجاها لفوق
واحشنا وإمتة راح نلقاك رسول الله ...
طريق الجنة محتاج إحنا بس نفوق ...
....................
لـ محمد مندور .... فرسان القلم
========================
-14-
صوت الأذان في الفجر يسحر قلوب الخلق
والدعوة بالإخلاص سابقة الضيـــا مـ الشرق
جرب تعيش مستور بـ حماية الرحمــــن ....
صلي فـ جماعة الفجر هتحس إية الفرق
.............
لـ محمد مندور .... فرسان القلم
=========================
-15-
أنـــــا العــــارف بـأمر الله
وبردو الساهي عن ذكره
أنـــا المخلوق بإيد مولاه
وبـعصي ولمـــا بـفتكره
بكون ندمان وبلجأله
وبنوي التوبة يقبلني
أنــا عبد الـرحيم منــان
وعاجز حتي عن شكره
..................
لـ محمد مندور .... فرسان القلم
=========================
-16-
سجل حـضـورك واستني دورك كـل يوم
إعمل بـإيـدك طــوق نجــاتـك مـ الهمـوم
إغسل ذنوبك كسر قيودك واعمل لموتــك
دية متستاهلش يكون شرابك من سموم
...............
لـ محمد مندور .... فرسان القلم
========================
-17-
ساب فـ الطريق علامات ترشدنا لما يموت
ترسم دليل موصول بجلالته فـ الملكوت
سنة نبينـا الـزيـــن وصتنـا بالقرآن .....
والطاعة فرض العين قبل الطريق ما يفوت
.....................
لـ محمد مندور ... فرسان القلم
========================
-18-
حسبي ربي مالك الملك فـ عُلاه
هو سندي مهما زاد الكون بلاه ..
لو فـ يــوم الذنب زود فـ البعـــاد ..
وحده يغفر مين هيقبلني سواه ؟!
..................
لـ محمد مندور ... فرسان القلم
===========================
-19-
فـ وسط التوهة والزحمة
بيفضل وحده مستنيك
ويفرح لما تستغني عن
الذنب اللي جاني عليك
كريم الطبــع بيسامح
ولـو ذنبـك يهد جبــال
دة بالرحمة تكون صالح
وتلقي الجنة تنده ليك
...............
لـ محمد مندور ... فرسان القلم
===========================
-20-
وقت المحن منحة فيها البعيد يتذل
أما القريب عشمان سايب لربه الحل
دعوة فـ قلب الليل ترسملك السكة ...
ويكون بنوره دليل يهدي الطريق ما يضل
.....................
لـ محمد مندور ... فرسان القلم
===========================
-21-
مليش غيرك فـ وقت الضيق
يصبر قلبي عـ المكتوب
ويرسم ضحكة جوايا
ترجع حلم عاش مسلوب
منيش قادر أقولهالك
لكن نفسي تطمني
أنا ماشي فـ عكس الناس
ولا الدنيا بالمقلوب ؟!
.....................
لـ محمد مندور ... فرسان القلم
مليش غيرك فـ وقت الضيق
يصبر قلبي عـ المكتوب
ويرسم ضحكة جوايا
ترجع حلم عاش مسلوب
منيش قادر أقولهالك
لكن نفسي تطمني
أنا ماشي فـ عكس الناس
ولا الدنيا بالمقلوب ؟!
.....................
لـ محمد مندور ... فرسان القلم
===========================
محمد مندور
فرسان القلم
