(1)
أنــا درويـــش
لـــكن عــايش كما السلطان
جعـــان خـــايف ومن خوفي منيش قلقان
عشــان عــارف كلانا مــن ونفس الطين ..
مـــا يِفرق مــال لكن يفرق أكــون إنســان
...............
لـ محمد مندور .......... فرسان القلم
=======================
(2)
حاجز فـ بكرة معاد
للبسمة والتفاريح
قلبي دة راح يرتاح
ويفارق المجاريح
ودة مش أكيد فـ الغيب
علم الظروف متحاش
يمكن فـ جنة يصيب
اللي محاه الريح
...............
لـ محمد مندور ... فرسان القلم
========================
(3)
يا مستني تشوف حلمك
ويأسك طيف مداري عليه
بلاش تكدب علي نفسك
وقرب مـ السراب تلاقيه
مفيش حاجة لكن بعنيك
ومن خوفها بقي حاجة
فخلي الحاجة دية لربك
وادعي انه يكافئك بيه ...
..............
لـ محمد مندور .... فرسان القلم
========================
(4)
جرب تكتب حلمك بكرة
يمكن مرة تصيب الفكرة
تضرب تنجح إوعاك تيأس
إوعي تقول علي حلمك نَكرة
...........
لـ محمد مندور ..... فرسان القلم
========================
(5)
جرب تحلم إنك
عايش من غير خوف
غمض عينك عد لخمسة فتح شوف
تلقي الدنيا مهييش عفريت ....
ولا أوهامك راح تتحدي أي ظروف
........
لـ محمد مندور ....... فرسان القلم
=======================
)6)
افتح نوتة وارسم بكرة بدون ألوان
بنت جميلة بس جسدها بدون فستان
وادي أعمالك تستر جسد الدنيا العاري
شرط نجاحها إنك بس تكون إنسان ...
...............
لـ محمد مندور ..... فرسان القلم
==========================
(7)
اضحك بلاش ترسم كئيب
روق وقول للدنيا عيــــب
متحيريش نفسك عشان
أنا أصلي راضي بالنصيب
............
لـ محمد مندور .... فرسان القلم
==========================
)8)
طالع شعاع الشمس ويا الطيور سواح
بيلفوا عـ النايمين قوم يلا جانا صباح
نبدأ بذكر الله والرزق عـ الخلَّاق ....
واللي تكاله عليه من هم رزقه ارتاح
..................
لـ محمد مندور ..... فرسان القلم
========================
(9)
صبي فـ طريقي
المر هتملي من صبري
دمي أساساً حر وسلاحي من قهري ..
ومادام في رب كريم وتكالي مرمي عليه
مش راح تهدي الحيل ولا تحني لي ضهري
............
لـ محمد مندور ..... فرسان القلم
========================
(10)
أنا المستقبل الماضي فـ علم الغيب
وانا الحـــــاضر فــ أفعالك بدون ترتيب
وانا المكتوب علي جبينك وشوف بعنيك
أنا قــدرك لكن تقدر بدعوة تصيـــــــب ...
.......................
لـ محمد مندور ... فرسان القلم
=========================
(11)
يا شمس لـ بكرة
راح تطلع أنا مليت
تعبت كتير من العتمة دة انا استنيت
تجيني حتي فـ الرؤيا أشوف النور
لكنك جاية أنا أصلي لربي دعيت
...................
لـ محمد مندور .... فرسان القلم
=========================
(12)
احلم بالحلم وتحقيقه
متكونش لعقلك سّجان
فكِــك لخيـالـك تعقيدُه
واسرح فـ الفوز والخُسران
هتلاقي طريقك مرسوم لك
بخطاوي السكة المحسوبة
مـا عليك غير إنـك تتقدم
وتـعـافـر متكونش جبـــان
.................
لـ محمد مندور...... فرسان القلم
========================
(13)
يـا دنيـا لية معـاتـباني
عشـان كـافـر بـأحزانـك
ولية يحلالك إني اصبح
أسيـر تـايه بـأشجـانك
أنــا كـافـر بدين الحـزن
وعشق الفرح دا ديني
وراضي ومهما زاد المر
هيفضل صبري سجانك
....................
لـ محمد مندور .... فرسان القلم
========================
(14)
إصحي الصبح وفتح عينك
إحمد ربـــك إنـــك حـــي
قـوم واتـوضـي وصلي بـزمة
خلـي نهـارك يمـلاه ضـي
قـبل مـــا تبدأ إعزم نـيـة
وارمي حمولك عـ اللي خالقها
إمشي السكة وسيبها لربك
تضمن دايماً رزقـــك جــي
................
لـ محمد مندور ...... فرسان القلم
========================
(15)
بمشي علي
استحياء ويا الأمل إحساس
والسـم فـ التريـاق مخلـوط بنور الكـــاس
والـحلـم لـو هيضيع يبقي بــإيدينا غــواه
ما الحلم نبته فـ أرض واحنا فـ إيدينا الفاس
.....................
لـ محمد مندور ... فرسان القلم
========================
(16)
افتح كتاب عمرك واشطب علي الأحزان
وارجع وعيد رسمك دية البسمة فـ الإمكان
العمر فيه كام يوم علشان تعيش مكسور
احلم وكون نفسك عيش الحياة إنسان ..
.....................
لـ محمد مندور ... فرسان القلم
===========================
(17)
ولسة الحلم مش للبيع
ولا عمري هكون غيري
أنا حالف برب الكون ..
لجيب الفرح يا طيري
وبكرة الدنيا تثبتلك ..
طريق الحزن مهما يطول
هيجي الفرح يندهلك
ويرسم بكرة من خيري
................
لـ محمد مندور ... فرسان القلم
===========================
)18)
اصطباحة ورش مية
ناس كتير متجمعين
عـ الرزق يلا مد إيد
نكسبلنا قوت اليومين
و اسعي وسيبها لربنا
هتلاقي رزقك بين إيديك
و اكسب بإيدك لقمتك
ترضي بحلال عرق الجبين
...........
لـ محمد مندور ...... فرسان القلم
===========================
(19)
صباح النور علي الشقيان
فـ دنيا بتشتهي هـــمه ..
صباح النور علي الغلبان
وعمر الفقر ما هـــامه ..
ياريتلي حبة من صبرك
يحلو الدنيا فـ عنيه ...
صباح النور علي الدنيا
وحتي الدنيا ما تهمه .
...............
لـ محمد مندور .... فرسان القلم
بقلم : محمد مندور
فرسان القلم
