مشهد هزلي بنهاية شبه مفتوحة !! ..

مجموعة من الجثامين تحمل من عنفوان الشباب ما تحمل وإن كُسر بعضهم لكنهم مازالوا يحملون عنفوان الشباب ..
حشرجة أصواتهم كانت بسبب كثرة الصياح المتكرر الذي لا يسمعه أحد أو ربما بسبب حزن دفين ملأ قلوبهم لفقد أحبابهم ..
كثرة الأحداث أعجزت عقولهم عن الاستمرار في التفكير لكن قلوبهم مازالت تنبض ..
يبدأون في هتافهم وصياحهم كعادتهم ينادون بالحرية وينادون بأسماء من ضحوا من أجلها .. هم يحفظونها عن ظهر قلب !!
تبدأ مجموعة من حاصدي الأرواح في الاقتراب منهم ، يُشهرون أسلحتهم وقبل أن يضغطوا علي الزناد يتوقف الزمن لحظات ..
يظن فيها هذا الحاصد أنه من بيده حصد روح هذا أو ذاك ولكنه لا يرى رسل السماء التي تحيط بالمكان ...
يضغط على الزناد فتنطلق الطلقة قاصدة من اختاره رسول السماء ..
هرج ومرج بين الجميع ، الجميع يحاول الاختباء حسب فطرته البشرية ، يتدافعون ، يسقطون ، يختنقون ، يحمل بعضهم بعضا ..
وفي النهاية تستقر الطلقة في جسد من اختار لقاء ربه فاختاره رسول السماء ..
يتوقف الزمن حينها مرة أخري مع أول نقطة دم تسيل من ذلك الشهيد يرى فيها حُسن لم يراه أحد سوى من سبقه على نفس الرحلة ..
يشعر الحاصد بالانتشاء والفخر ويعتقد بذلك أنها النهاية ...
لكن حظه التعس سيخبره يوم يقف وجهاً لوجه مع من قتله أمام رب السماء أنها لم تنتهي !! .. 

محمد مندور 

23-1-2014

قصيدة " الزريبة "

طلع المادة الجديدة ، دخل المادة اللي فاتت
كلنا بندور فـ ساقية والعقول هي اللي ماتت
نفرق ايه عن جوز بهايم معلوفين تبن العلام
والبهيمة عليها تاكل والزرايبي يقول تمام
يختلف طقم الزرايب يختلف نوع الحشيش
يعلى يوطى إن شا الله يصبح يوم مفيش
مش هتفرق فـ النهاية لأن أصلاً كله شيش
الغريب إن الزرايبي كان فـ يوم أصلاً بهيمة
واللي يفرق إن جوفه كان مناسب كان غنيمة
كان بيعرف إمته ياكل أنهي حبة من الحشيش
إمته ياكل مـ الأراضي لو ما كان فـ الأكل عيش
كان بيعرف بردو يهضم لو جابوله فـ يوم خروف
قلنا بس الباشا يمسك راح نزيح الخوف نشوف !
واكتشفنا بعد فترة إنه كان معلوف خصوصي
صنعوه مسخ الزرايبي لجل ما يحاضر دروسي
والنتيجة هي هي وفر دايماً فـ العجول
اللي هو فـ الحقيقة قتل شيئ اسمه العقول
صدعوا راسنا تملي بالعجول الأمريكاني
كيف حشيشنا أغلى منهم بس عيبنا فـ الحلاني
حد فاهم ويجاوبني يعني إيه كلمة حلاني ؟!
مش حلالي ! فـ الحلاني كلمة مش مفهومة لينا
المهم إن النصيبة مهما بعدت لازقة فينا
مش مهم إن الزريبة مش مناسبه للمعيشة
مش مهم إن الزرايبي وحده مسئول الحشيشة
مين يعدي ومين يعيد مين هيتباع فـ المزاد
كانه خالق الزريبة واللي غطى واللي زاد
إن بعد البيع تملي نلقى أخر الشوف سواد
بعد علف سنين طويلة تنطلق جوا الأراضي
تكتشف مر الحقيقة إن عقلك لسة فاضي
تنسى كل اللي اتعلفته يبدأ المشوار جديد
تتربط كالطور فـ ساقية يركبوك زي العبيد
والركوبة مش جديدة مـ انت طول عمرك مطاطي
ضهرنا المحني علامة اعتيادنا عـ اللي عاطي
واللي عاطي كان مطاطي دورة ليه مبتنتهيش ؟!
ما احنا قولنا في البداية إن أصلاً كله شيش
حتى مش فـ العلف بس كلنا صابنا الطاعون
هما واحنا واللي بينا واللي زود فـ المجون
إننا زي اعتقال يعني حبس بدون قانون
يعني لو شاف الزرايبي إن ديلك مش طويل
قرن ميل فروة زادت يجلدك من غير دليل
وان حاولت فـ يوم تكون عجل عالفطرة السلمية
خلي بالك مهما تنطح بردو هتنول السليمة
 عمركوا شفتوا بهايم فجأة يبقوا بجوز رجول ؟!
والخيبة لا دة أملنا هما باللي فهماه العقول
وبنندهش وبنسأل احنا ليه دة حالنا واحنا مالنا ؟!
قطرنا بيحضن فـ اخوه والنتيجة الدم سال
والشوارع زحمة جداً أخروا فيها اللي شال
نقله عـ المستشفي جايز والطبيب عايز وعايز
خدها جري لحد بيتهم فتش الصندوق لقاهم
حس صوت الناس بتجري بيته آيل للسقوط
 خد عياله وجري عايز يلمح الموت الليلادي
واللي عادي الحادثة عادي الطريق معمول عشانها
واللي باقي هو لسة ساب عياله لما ماتوا
جري يلحق اللي باقي فجأة فـ المستشفي واقف
شاف ضناه بيغطوا وشه قالوا إبنك مات شهيد
شك فـ الجزار ساعتها علا صوته بالهتاف
لبسوه هو القضية والترمجي اللي شاف
دم أولاده اللي ماتوا عـ الفلوس اللي جايبها
خلى قاضي الجلسة قال قد حكمنا بالدليل
حضرة المسجون أمامكم قاتل ابنه ولا خلاف
هي دايرة وتوهتنا بادئه من عند الوليد
كل عيب فـ الدنيا أصله مـ الزريبة مش بعيد
والزريبة مش شتيمة والزرايبي والبهيمة
وصف حال الجمب الاسود اللي غطى كل حاجة
خلى نور الشمس يطفي خلى ضيه جمبه حاجة
خلى عينا لما تلقى شمس عدت تنحنيلها
رغم إن الدور بتاعها إنها تنور لغيرها !!
الكلام لو طال يطول ولا يكفى ديوان أشعار
ولو شفت الكلام معقول يبقى لينا حق تار
ولو شفت الكلام كداب وناقصه أصل ورباية
متلعنيش ولا تصدق وسيبني وبص فـ مراية
ولما تشوف كمان قرنين هتلقى الوصف كان آية
أنا نفسي أكون طالب محسش إني يوم مظلوم
لكن طول مـ الغشيم شايف إني اللي استحق اللوم
هتفضل أرضنا زريبة ويفضل جهلنا محتوم
لكن العمر مش باقي وهاخد حقي يوم معلوم
وطلع المادة الجديدة دخل المادة اللي فاتت
كلنا بندور فـ ساقية والعقول هي اللي ماتت

محمد مندور

فرسان القلم 

قصيدة " بهلول " - قصيدة مسرحية !

بهلول : أنا بهلول طالب مذلول ولا انا مشهور ولا ابويا مسئول
           طهقان كفران وبقايا إنسان مطحون مسحول ....
           قالوا مخي طخين من كتر الفول وكمان قالوا عني أنا
           جيلي معاق ......
           تعليمي منحوس ولا مرة بدوس من يوم ثانوية جابتلي
           جنان .......
           أما فـ كليتي فـ دكتور بابا جدو ومعيد كوتوموتو ومنهج
           عدماااان ....
           بابا جدو يقولي ....

الدكتور: أصل انت حمار أنا بس اللي افهم دة العلم أسرار

بهلول : وكوتوموتو يجيني وبخفة يقولي ...

المعيد : زي ما تديني راح أقولك سر ...

بهلول : فضيتله جيوبي وقعدت اسمعله يمكن على إيده ينزاح
           القهر ... قالي يا بهلول

المعيد : العيب مش فيك العيب في الدنيا من حواليك
           وانا راح أديك برشامة تسكن وتهدي القهر جوا عينيك

بهلول : خدت البرشامة وادي سنة سنتين ...

الراوي: بهلول اتخرج وبقي بودنين ...
           عـ الجيش سحبوه وبالجزمة إدوه والجيش زودله كمان
           ودنين .....
  

              فرحان بهلول ماهو خلص جيشه ومن شركة لشركة
           بيقلب عيشه ...

النظام : عندك خريج ألفين وشوية طالع فوق جيد ومعاه إنجليزية
           طالب تعيين بمهية سخية وكمان محتاج هيبة اجتماعية  
بهلول : معلش دة حقي أصل أنا خريج هندسة أصلية ...

النظام : إنت اهطل يا ابني روح وابقي تعالي النوبة الجاية

الراوي: خارج بهلول عمال يستفسر ...

بهلول : طب يفرق عني إية بسلامته ؟! ...

الراوي: وساعتها قابله حزنبل قاله الباشا في الأصل يبقي إبن
           سعادته .....
           رضي بهلول بالقليل واهو مصنع بيبيع طراطير

بهلول : أنا خريج ألفين وشوية طالب تعيين ومعايا تقدير

النظام : مش مهم العقد لمدة ست سنين راح اطلع عين أمك                                        فيهم                                  
           انسالي قوام شغل الجامعة وانزل اتمرمط وسطيهم
           وفـ أخر الشهر راح تاخد الباكو تطلع تنزل هتعيش بيهم

الراوي: وافق بهلول مغلوب علي أمره لكنه عايزله محاسب
            شاطر ....
           يحسبله قوام تكلفة العيشة وازاي يبقي عـ الجوع قادر
           محتاس بهلول عاوز يتجوز معهوش ولا حتى حق الـ
           عندك أدي مية حق الشقة وكمان دول عشرة حق
           الشبكة .......
           حطلهم بردو كمان خمسين دول فرش وعفش ومهر
           ودخلة ...
           وبحسبة بسيطة دول يبقوا بتوع مية وستين
      يعني يا بهلول محتاج من عمرك 12 عام وكمان
           شهرين .....

بهلول : يانهار مش فايت طب هعمل إية في البت بتاعتي
           دة انا ممكن اموت لو راح بهلول غيري اتجوزها
          وساعتها مكنش الدمع كفاية ولا كان للحزن في قلبي
           نهاية .....       
           تعليم منحوس تفهم بفلوس خارج ملحوس 
           شغال ببلاش صوتك متحاش شارب خشخاش    
           جابلك سرطان حطك في سرير عالجك ببلاش 
           داخل عيان طالع عدمان بالسم في دمك ومعاك أكفان 
           وابقي اتشطر علي سعر القبر دة الموت دلوقتي مهوش مجان 

الراوي: بهلول علي صوته والدمع في عينه بيغني يا مصر

بهلول : إزاي ترضيلي يا حبيبتي يا أمي أصبح بهلول تريقة
           العصر ....
           الخير فـ إيديكي والخوف فـ عنيكي من ذل حكومة ظلم
           وقهر ...
           سمعوني الخونة قالوا عني عميل ناكر خير بلدي واخد تمويل
           عـ القبة خدوني ورموني لبعض جلسة تضليل من غير
           تنكيل .......

النظام : عاوز تتجوز ما الصيني أهو بمهية شهر ومش طالبة
           كتير ....
           مش عاوز صيني عندك خير بلدك وبعُشر مهية والأمر
           يسير ...
           أما التعليم فأدي شيلنا وزير وأدي جيبنا وزير
           هيشيل سنة ستة من غير تفكير ...
بالنسبة لشغلك التنمية شغالة فالصبر شوية دة الأمر
           عسير .......

بهلول : قلتلهم خونة ...

النظام : لأ دة انت عميل ارموه في البوكس وروه النيل   

بهلول : وخدوني علي حتة معرفش اوصفها
             سامع من بابها صراخ وعويل ...
           أدي هنا سواق خدوا منه رجولته
           وكمان هنا شيخ فـ السجدة لصورته
           وعندك أدي بنت فـ عز شبابها
           خدوا منها شرفها والنار أهي قايدة
           النار أهي قايدة فـ قلب الأم ....
           قتلولها ولدها بطريقة تغم ......
           وبلفة بانجو حطوها في بؤه ....
           قالوا إنه غشيم خباها بقصده ....
           والبانجو دة لعبة ومتفقين .....
           اكمنه كشفهم بالتموين ....
           واتفتح الباب وكأن مفييييش ..
           قطعولي وداني وسدولي وداني وفقعولي عينيه
           وسابوني فـ دنيا مش قادر اشوف نورها حواليه
           وسابوني لوحدي مش لاقي بهلول غيري يونسني
           وساعتها سمعت الصوت بيقول ........

الراوي: أنا خالد شعب سعيد علي طوووول ...
           انزل بهاليل الدنيا كتير انزل وياهم في التحرير
           انزل قول عايز حق بلادي انزل قول لأ لكل عميل

بهلول : المشهد دامي وحزين شهدا ورصاص ودموع وأنين
           والبارد لازق علي كرسيه بيقول لشبابنا ...

النظام : إنتوا ميييين ؟؟!!
          دة انا مصري أصيل غنولي كتير يبقي واحد مننا
           ضحيت عشانكم مـ البداية علشان نحقق حلمنا ...

بهلول : كداب وضلالي دية حكومتك مصت في عروقنا ودمنا
           نهبت ثرواتنا وأمجادنا نهشت في شرفنا ولحمنا        

           ارحل قاعدينلك في التحرير ارحل قاعدينلك مش
           هنطير ....
          دة التحرير دة حكاية أمة علمت الدنيا درس كبير
          ومهما أقول وأزيد وأعيد صعب أقولها فـ حتة شعر
          التحرير إحساس جوانا هيعيش ويانا أبد الدهر ...

الراوي: ومكنش فـ باله إنه خلاص هيروح وياهم
           ضربوه وسحلوه والشهدا خدوه للجنه معاهم
           علي باب الجنة بهلول بينول أخر أنفاسه
           وبيكتب قصة حب بلادة وراضيها تكون أخر أعماله

بهلول : أنا بهلول عايش مذلول شارب من نيلها واكل من
           خيرها ...
           أنا مش خاين ولا حتي عميل أنا مصري أصيل مبحبش غيرها
           مش عاوز مال ولا حتي نفوذ أنا روحي لمصر مكان ما
           تعوز ...
           أنا مُت وسبت الحلم معاكم احموه بإيديكم وانا روحي
           فداكم .....
           واكتبوا علي قبري بكل سرور ....

الراوي: بهلول عاش راجل ومات منصور

محمد مندور

فرسان القلم

أقوال مغمورة - الجزء الأول

عندما تشعر بالسوء في حياتك لا تلقي باللوم على الأخرين قبل أن تلقي به على نفسك فربما تكون أنت سر تعاستك وتعاستهم دون أن تشعر !!..

ها قد ذهب رمضان وبقي الرحمن فمن كان يعبد رمضان فإن رمضان قد أدبر ومن كان يعبد الله فإن الله أعلى وأكبر ..

النجاح والفشل ما هما إلا امتداد للإختبار ولكنه من الله ليعرف أتشكر أم تجحد منحته ، أتصبر أم تكفر محنته فقل الحمد لله في منحته ومحنته يعطيك الله خيراً كثيراً ...

إن محاولة نسيان أجزاء من الماضي ما هي إلا هدم للمستقبل لذا فعلينا أن لا ننسى ماضينا .. كل ما علينا هو اختيار الوقت المناسب لتذكره ...

الطريق إلى الذنب الكبير ملئ بالذنوب الصغيرة كقطع الدومينو المتراصة إذا سقط أولها سقطت جميعها فلا تكتفي بالحذر منها بل اشغل الشيطان بطاعات يسعى لصرفك عنها قبل أن يوسوس لك بالمعصية ....

الشيئ الوحيد الذي يقتل الحلم هو القدر والشيئ الوحيد القادر على تحقيق الحلم هو الحلم بقدر رحيم يساعدك على تحقيق حلمك ...

لا يوجد صحيح مطلق ولا خطأ مطلق لأن الشيئ المطلق لله وحده أما عندما يتحدث العباد فهذا صحيح نسبي وهذا خطأ نسبي وهذا ما يفرض علينا احترام أراء الأخرين ...

يسألني الكثيرون لماذا لم أكتب قصيدة في من أحب وأقول لهم فبماذا تختلف هي إذاً عن الأخريات ؟ إن حبي لها لم تُخلق الكلمات للتعبير عنه بعد ...

إنك لن تستطيع مقاومة الشيطان وحدك فجاور الصالحين تستحي منهم واعمل صالحاً يُقام سداً منيعاً بينك وبين الذنوب واستعن بالله تكن فائزاً بالمعركة ....

بين الحين والأخر أرى أشخاصاً أتمنى أن أجلس معهم وأحادثهم .. أعتقد صدقاً أن قلبي سيكون على وفاق معهم ولكن تمنعني أقداري ...

لا تعطي اليتيم مالاً ليعيش جسده قدر ما تعطيه حناناً ليعيش قلبه وأن يعيش قلباً بلا جسد خير له من أن يعيش جسداً بلا قلب .....

في عز اللحظات الحالكة يثبت مُدعيين الحكمة والرشد أنهم ما زالوا يتبولون في سراويلهم نجانا الله من تلك الأجيال العجوزة شاخت أجسادهم وعقولهم تحن إلى الصبا ..

هناك في الجانب الأخر من العالم أشخاصاً كم أتمنى عودتهم لأحظي معهم بلحظة الوداع التي ربما يعتبرها الكثيرون لحظة قاسية لأنهم لم يتذوقوا مرارة الفراق بدون وداع ..

عذراً فلسطين ، عذراً سوريا ، عذراً بورما نحن لا نستطيع حمايتكم ولا نصركم فالأمة التي لا تستطيع حماية رسولها من حقارة ألسنة الجبناء لا تستطيع حماية شرفها من الإغتصاب !!..

الشمس تشرق كل صباح مرة واحدة وتؤثر في القمر فيضيئ ليلاً وبدون أحدهما يختل النظام فلا يحزنك كونك متأثراً عن كونك مؤثراً ولكن احرص دائماً على أن تكون إما مؤثراً جيداً أو متأثراً جيداً ....

دعيني أخبرك أنني أكون في قمة سعادتي عندما أراكِ ولكن لن أستطيع إخبارك بأكثر من ذلك حتى لا تتحول سعادتي لحزن دفين فلتكفيني إذن رؤيتك ذكرى هادئة أعيش عليها...

الأحلام هي الشيئ الوحيد الذي نستطيع أن نحرك فيه الظروف لتصل بنا إلى ما يريده داخلنا وربما يكون شيئاً مجنوناً لاستحالة تحقيقة على أرض الواقع فنحققه بجنون في أحلامنا !..

الثورة لا تخطئ لأنها حق والحق لا يخطئ نحن من نخطئ ونحن من يجب أن نتحمل نتيجة أخطائنا ... تراصوا واعتدلوا وسدوا الفرج ولتكن معركة الحق مع الباطل  ...

أطيل النظر إلى المعاقين وهم يضحكون رغم المعاناة وينجحون رغم العجز ليزداد تأكدي بأن أرواحنا هي التي تعجز لا أجسادهم !!..

اصبر على البلاء ولا تسخر مما يعتقده الأخرون بلاء لأن الله خلق كل إنسان بقدرة تحمل مختلفة فلا تتعجب عندما تري أن أعظم مشاكلهم هي حياتك العادية ... 

محمد مندور