قصيدة " قارب نجاة "

قارب تجاه خط النجاة
بينادي عـ التايهين هنا
هنعيد بإسلامنا الحياة
هو أمــلنا وحلمنـــا
والحلم فكرة من ظروف
زادت فـ رغبتنا الحياة
فاركب مسيرنا فـ يوم نشوف
فـ الجنة بعض إنت وانا
يا مسلم العصر الحديث
دبحوا إيمانك بالفتن
والدعوة صبحت متلاقيش
والدين فـ دنيانا اتعجن
وبقينا كلمة مسلمين
بالإسم مش طبع الرسول
لكن لابد فـ يوم نعود
ونكون صحيح خير الأمم
إيديكو في إيدينا يا مسلمين
إسلامنا اهو بينده علينا
طالب يكون فـ القلب دين
وهتحلي أيامنا بإيدينا
وهنبقي كلمة مسلمين
بالفعل مش بس الكلام
ويارب دعوة بس ليك
تجمعنا فـ الجنة بنبينا

محمد مندور 

فرسان القلم 

5-10-2012