قصيدة " ودع صحابك "

ودع صحابك وابتسم
ساعة الوداع 
اضحك وسمع ضحكتك
كل اللي باع
سلم كما أخر سلام
احفظ وشوش الرفقة
واحضن قلبهم
سمع برفق وصيتك
من غير كلام
كررها كل ما تلتقوا
لو حتى جالك
طيف صديقك
فـ المنام !
شوفهم كتير
سجل دموعك والبكا
سجل سعادتك باللقا
سجل كلامك وابتسامك
والمحن
ابعد عيون الدولة
عن ما تفعله
مش يبقى ضاع الرفقة
والذكرى معاً
الرحلة لسة مطولة
يلزمها زاد
السكة واعرة كلها
والدم يشبه للمطر
العِرض جزء من المطر
والصف لو هيزيد نفر
هيروح قصاده للغفر
نقي الجدع من غير
ودع
نقي اللي تكمل بيه
الصفوف
نقي اللي لو مرة
اتعميت
بإيديه تحب إنك
تشوف
متسيبش روحك للوطن
الحلم أصبح فيه
أسير
اعمل وطن
اجمع شتاتك مـ البلاد
خلي آمالك تترسم
وإن جالك الطيف
فـ المنام
سلم عليهم وابتسم !

 محمد مندور

فرسان القلم